Ez bakarrik osagaiak, baita egosketa elektrikorako sistema integralak ere: plakak eta labeak. Eikak mundu osoan ezagunak diren sektoreko markentzat fabrikatzen ditu osagaiak. Merkatuan dauden bitrozeramiken %40k baino gehiagok daukate EIKA osagairen bat.
Foku erradiatzaileek berehala berotzen dute, energia-eraginkortasun bikainarekin. Beroa ontzira transferitzen da, erradiazio eta kondukzio bidez.
Bi bertsio dauzkagu:
Elementu horiek pizte bizkorra ziurtatzen dute, eta baita energia-eraginkortasun bikaina ere. Fabrikazioan erabiltzen diren isolamendu materialek ingurumena errespetatzen dute.
Berogailuetan jarritako termostatoak neurrira eginda daude, eta hondar-beroa adierazten duten zirkuituekin edo zirkuiturik gabe hornitu daitezke.
Forma eta tamaina aukera zabala eskaintzen du Eikak, eta baita egosketa-eremu arruntak, bikoitzak, hirukoitzak, obalatuak eta errektangularrak ere.
Mota: Warmer seriea
Potentzia txikiko foku erradiatzaile bereziak, beroari modu eraginkorrean eusteko diseinatutakoak. Saltsak, kafea, txokolatea eta bestelakoak tenperatura jakin batean edukitzeko berotze sistema ezin hobea eskaintzen du. Hainbat altueratakoak daude, amaierako aplikazioaren arabera aukera daitezkeenak.
Mota: Eremu bakarra, zirkuitu hirukoitza
Serie honek potentzia errealaren kontrola eskaintzen du, bere erresistentzien konbinazioaren bitartez (zirkuitu hirukoitza).
Mota: Eremu bikoitza
Eremu bikoitzeko Coil foku erradiatzaileak. Janaria tenperatura baxuan eta egosketa motelean prestatzeko aproposa.
Mota: Eremu hirukoitza
Eremu hirukoitzeko fokuek janaria prestatzeko hainbat aukera dituzte, eta hiru tamainatako lapikoak berotzeko modua eskaintzen dute. Kanpo zein barne diametro aukera zabala dago.
Mota: Eremu bikoitz obala
Forma obalatu edo errektangularreko ontzietarako egokia. Eremu biribil bat dauka, baita beste eremu gehigarri bat ere, lapiko obalatuak erabili ahal izateko.
Mota: Eremu bikoitza
Eremu bikoitzeko foku erradiatzaileek egosteko malgutasun handiagoa ematen dute, bi ontzi tamainatarako direlako egokiak. Hainbat kanpo eta barne diametro daude aukeran.
Mota: Eremu bakarra, zirkuitu bikoitza
Serierik moldaerrazena da: bakarra guztientzat; baliagarria bai tenperatura altuko egosketarako, eta baita tenperatura baxuko egosketa motelerako ere.
Mota: Eremu bakarra
Eremu bakarreko foku erradiatzaileak, diametro eta potentzia aukera zabalarekin.
